عآآآئلة سيكو <<لا تفوتكم ..

السلام عليكم ..

منّ منا لايعرف سيكو ؟ ذلك الشخص الكويس !
حينما تبلش في التعبير ولا تجد الكلمات المناسبة فقط ضعه ليعبر لك ويوصل أفكارك بسهولة ويسر ..
آآآهـ ما أطيب سيكو ( )

* ملاحظة : لمن لايعرف سيكو هذا سيكو >>>>
======================

ذات يوم سأله أحد أصدقائه الجدد..

؟؟؟؟ : أخ سيكو .. هل أنت مقطوعن من شجرة ؟
: لا لدي عائلة كبيرة .. كبييييرة جداَ .
؟؟؟؟ : إذن مارأيك أن تريني إياهم فرداً فرداً .؟
: حسناً فلنذهب إلى البيت !
؟؟؟؟ : كفو حصل لنا عشاء <<<<

وصلنا للبيت وبدأ بالتعريف بعائلته الموقرة .
======================

أول شي هذا أبوي ..
زي ما أنت شايف رجلن بالقبر ورجلن بجنب القبر ..
وبتلتن ينصح ويهوش .. حتى شف وأنا أعرفك عليه قاعدن يسولف .

======================

هذا أخوي الكبير .. زي ماتشوف حالته النفسية دمااااااار وبتلتن يرغي ويقول : مع السلامة .
هذا سلمك الله تسد حبّ فتاة .. وعيا أبوي يزوجه لأنهم طلبوا مهر واجد .. فصار زي تسذا .

======================

هذا اخوي اللي عقبه .. شايفن روحه ولا يحاتسي أحد .. ولايجوز له شي أبد أبد .

======================

وهذا نسميه الدافور .. راعي مذاكر وهو أذكى واحد من أخواني

======================

هذا اللي عقبه .. بتلتن طرباااااان ويرقص ..

======================

وهذا اللي أصغر منه .. صتيمة وماهنا أدبش منه .. يقعد ساعتن يفهم وش انت تقول ..

شف حكة الأذن بس .

======================

وهذا بتلتن نيم .. ماندري وش سالفته ولا تسد سمعنا صوته .. اللي بعدهـ

======================

شف ذا الله يخلف على أبوي .. بتلتن يضحك ولو يشوفك مات ضحكـ ..

======================

عاد ذا راعي الكورة والتشجيع .. ماهنا فريق مايشجعه .. ويتابع مباريات الدوري السعودي والدوري الانقليزي والدوري الأوروبي والفرنسي ونسميه بالبيت روبرتو كالروس .

======================

وهذا متنبل عند التلفون بتله .. وسواليف مع أخوياوهـ والفاتورة تجي صبخه بتله .. وبتله أبوي يهوشه بس مايفيد به .

======================

هذا متطنزن بعباس بن فرناس .. بتلتن أقوله يا أخوي مانتب طاير .. الله ماخلقك حمامة بس ماش يعاند ولا يسمع الكيلام .

======================

هذا تسد شاف فلم عن الملك عبدالعزيز ـ طيب الله ثراهـ ـ وصار ودهـ يصير ملك ( طبعاً مب ملك السعودية لا ملك بدولة أشوبكستان ولا السعودية يكفي أبو متعب الله يحفظه ) .

======================

هذا أخوي تسد قرا قصيدة لحفيد اعقيل وصار يحاول يصير مثله .. وبتلتن يجمع له حرفين ويقعد يهيجن بهن

======================

هذا راعي أفلام .. كل الأفلام يشوفهن وثائقي ولا إسلامي ولا ذاك وذاك ..

الشاشة حمراء لأن به فلم ذبح وقتل عشان تسذا مليانه دم وصايرتن الشاشة حمراء لاتفهم غلط <<<<

======================

هذا أخوي الخكري .. تشوف شعرهـ وبتلتن يرقص الله لايبلانا .. وسروال طيحني وجسمه يبلص ويتميع تقل موزهـ ..

======================

هذا قدّم على العسكرية ولا قبلوهـ .. وعقبه صار بتلتن يقلد هالعساكر ويتدرب ويصفر ..

======================

هذا انسميه الفارهـ .. من يوم شاف الدريل وهو ما أطلقه من يدهـ .. بتلتن يجخر هالجدران .. والبيت حول يطيح من كثر الحفر بالجدران .

======================

هذولا أخواني الصغار .. مايحتاج شرح .

======================

هذا أخوي الصغير ( القعدهـ ) .. زي ماتشوف الذهانة والأدب واضحة به من يوم هو صغير ..

======================

طلعنا من البيت وأنا أرحم أبوهم ياحول .. بعذرهـ يشيّب هالسرع ..

طبعن سيكو عيا يورين أمه وخواته خبركم مايجوز ..

* المطلوب منكم تحطون رموز ( ) ونبي تعليقاتكم عليهن .

م/ن